احبك يامصر

[center]احبك يامصر
احب نيلك الممدود ---وعليه مراكبيه بسمارهم و وجوههم الحلوه-- وعوامات على الشاطىء فيها ناس ساكنين—وفيهابواخر سياحيه كلها اضواء وموسيقى وفرحه وزفاف عرايس متهنيه كانك فى البندقيه --- وعلى شطه ناس غلابه نايمين—يكلوا ويشربوا ويغسلوا ويغنسلوا ويشربوا من ميته وربنا يحميهم
احبك يانيل وانت زى الشراين فى مصر تتفرع يمين وشمال---ورياحات وترع متفرعه فى الوادى والدلتا –
وسد عالى مهيب—بشهد بعمالنا ومهندسيين مصريين وارادة دوله بشعب رائع افتخر انى منه—والنيل عمل بحيره
كبيره وراء السد --- احب النيل وعلى شطه عيال حبيبه ماشيه فرحانه والامل فى عيونهم بيفرحنى--- وبتوع البيبسى والترمس والشاى حواليهم
بسلوهم
احبك يامصر احب شوارعك-----شوارعك ليها طعم تانى----- احب زحامك المذ موم---- احبه ----
اشعر فيه انى عايش----وانا فى الزحمه اشعر بامان---- اشعر بدفء اشعر بحضن الناس حوليا
احب شوارعك باشجارها اللى من سنين مزروعه----واحبها باكوام الزباله اللى قالوا عنها ممنوعه
احب كل شىء فى شوارعنا وهى منوره فى الاعياد وهى كمان ظلمه وقت الحروب
احب شوارعك زاحب حتى محالفات الناس واحب حتى اللى ناصبين كراتين يبيعوا لكل الناس
واحب عربية الفول واحنا حوليها متلميين---اللى يشترى ويمشى---واللى واقف ادامه طبقين بفطر
واحب عربية الفول واقف بياكل الغلبان وحتى معاه راكب المرسيدس المليان
احب بياع العرقسوس فى الميدان فى عز الحر----- واحب كمان سائل بيدعى لك بالف جنيه وماياخد منك
الا ربع جنيه----حتى عيال بين العربيات تجرى تبيع كلنيكس على وشهم بسمه وفى قلبهم غزه وفى عيونهم دمعه----
احب يوم نتيجة الثانويه والفرحه تملى كل بيوت مصر--- والزغاريط والتهانى خارجه من الشبابيك--واشوف بنات واولاد اتحدوا ظروف صعبه فى النعليم واتحصلوا على مجاميع عبقريه نقف ادامها مدهوشيين وكده عرفت سر بلاد العالم اللى بتخطف ولادنا عندهم

احبك يامصر احب كل مافيكى من جمال واحب كل ما فيكى من عيوب--- وبحيك ده لازم كلنا نتغير ونحتويكى---ونمجى كل عيوب فيكى---بحبك يامصر

ابنك على النادى






[/center]

استاذي العزيز علي النادي

تعرف ان هذا الموضوع الذي كتبته بيديك دليل على حبك لمصر ودليل على جمال ما بداخلك
تعرف ليه

كل الاشياء التي ذكرتها وذكرت انها مواطن جمال في مصر وانك تعشق هذا اجمال
الزحام .. الباعة الجائلين .. جري الاطفال .. ..
... الحاح الباعة

كل ما ذكرته كان ممكن شخص تاني يسود الدنيا في وشنا و يشعرنا بخيبة امالنا ويجدها عذرا علشان يهاجر من البلد واللي فيها
لكن انت بكل فخر ذكرت الايجابيات و بكل ود وكل صبر وكل حلم ذكرت السلبيات
وجدتها اهون بكثير من مشاكل بلاد اخرى ودليل على ان عندك امل لا يقبل الشك في غد افضل
طالما توفر الامن والامان فكل شيئ يهون لو اصلحنا ضمائنا كل شيئ يحل
تختفي اكوام الزبالة لو تعلمنا معنى الجمال وكيف نحسه
تختفي امخالفات لو وفرت الدولة الاماكن المخصصة لبيع ووفرت الامان لهم لو تخلى اصحاب السلطة عن استبدادهم ونظروا بعين الى اعماق مصر
مصر تحتاج ان نهدأ من تلك الصراعات ونبدأ نعمل شيئ ايجابي ونستمر عليه
مش نعمل يوم نظافة وبعد كدة نرمي الزبالة في الشوارع
مش نعمل سوق خيري كدعاية علشان الانتخابات قربت وبعد كدة لا نشوف سوق خيري ولا خير


جميل ما كتبت استاذ علي

رائع ما يحتويه قلبك ورائع ما خطه قلمك
تقبل ودي واحترامي

بس على فكرة بأة كوباية العرقسوس بنصف جنيه مش بربع جنيه هههههههههههههههههههههههه



تسلم يديك استاذ علي على المشاركة الرائعة