الغربه

اعزائي هده قصيده منقوله عن مشاعر شخص خارج بلده
وهي طبعا منقوله



بعد ما ريد فيزه ولا لجوء انـــــسان
عمت عين الاقامه الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي

لان اول امس كل البشر خــــــــــدام
جانوا للـــــــــــــــعراق واكلوا ابيتي

جان الضيف عندي مكرم ومهــــيوب
فوگ الراس اشــــــيله وهاي تربيتي

ما داعي اسولف وانه ابو النــــهرين
ياهو الــما سمع اخــــــــــبار حنيتي

بعد بصــــــمات اديهم والطبع موجود
من جانوا جياع بوســط صيـــــنيتي

يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع
لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي

وادري لوحّدج عفناج صار سنين
وادرى من الحزن تابوت سويتي

جيب الاغتراب وحـــطه بالـــتابوت
يا غربه الـــــــــــعراق شكثر اذيتي


ما اعيــش ابّحر مالح طـــعم يا ناس
انا بسجن الـــــفرات وفقط حريتي

وترابي ذهـــب والگاع من ياقــوت
ومن ثوب الكرامه البسهه بيريتي

واذا گالوا لترجع والوضع مو زين
اگول اني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي لو متت لتچفنوني چفان
لفوني بعلمنه وهاي امـــــــنيتي
واذا تردون اليه بهالگبر ارتاح

امانة الله دفنوا وياي جنسيتي
امانة الله دفنوا وياي جنسيتي

حب الوطن والإنتماء اليه شئ رائع
ما اجمل الشعور بالحنين للوطن وما امرّ الغربة
فهي ضياع ويأس وفقدان للدفء الغربة احساس
يبعث فينا شعوراً بالحزن والأسى.. الغربة عذاب
لا ينتهي الا بالعودة للأوطان

يا قلب إني قد أتيتك ناصحا....
فاربأ بنفسك أن تقودك محنتي....
إن الغريب سقته أيام الأسى....
كأس المرارة في سنين الغربتي...


موضوع متميّز يفتح جراح عميقة أدمتنا
تسلم ايديك اسامة

الغربة كلمة مريرة جدا هناك انواع من الغربة غربة خارج الوطن وغربة داخل الوطن وكلاهما اصعب من الاخر
لكن الاصعب هي غربة النفس
شكرا اسامة على القصثيدة

انيس مرورك اسعدني
وشكرا لك
وبارك الله بك
لدعواتك الصالحه لنا
امين يارب

اللي مضيع دهب بالسوك الدهب يلكاه
واللي مضيع محب يمكن سنه او ينساه
بس المضيع وطن وين الوطن يلكاه
الله ياهل وطن شمسوي بيه الله
نيرانه مثل الثلج تجوي واكول اشاه
لو نمشي دول الدهر مانلكه مثل عراقنا عراق