اه ياقلب

كلمات اعجبتنى

فتحت الصبح شباكى لقيت عصفور
لمحت ف عينه كام دمعه وألم محفور
سألته ع اللى مش قادر يقوله لسان
جاوبنى بدمعه ما قدرت عليها بحور
**********

ليه يا فؤادى الوجع تملى ماسك فيك
هو انت غاوى الضنا ..ولا الضنا غاوييك
كأنه طوق يا جدع ولبسته من مهدك
يا هلترى ده قدر ...ولا ده من بلاوييك

*********
بكيت يا صقر وعنيك الخشان لانوا
وحن الصخر والأحزان عليه بانوا
كأن الدنيا ما فيها ولا نطفه
تحس بناس على ترابهم بيتهانوا

*********

ليه اللسان مافيهوش ولا عضمه فى عروقه
وليه كمان المر والحلو بيدوقه
عرفت ان اللسان صاحب بلا ء الأنسان
ولو تشده عظام ...هيسوء على سوءه

فتحت الصبح شباكى لقيت عصفور
لمحت ف عينه كام دمعه وألم محفور
سألته ع اللى مش قادر يقوله لسان
جاوبنى بدمعه ما قدرت عليها بحور

شكرا اخي علي على طرحك الطيب وما فيه من عبر
باكية وشاكية

فرج الله الكرب وازاح الهم واسعد القلوب